کرکٹ ٹیم نہیں ،آپس کا اتفاق، کچھ کر گزرنے کا جذبہ جیتا ہے:والد بابر اعظم 

لاہور ( سپورٹس رپورٹر) قومی کرکٹ ٹیم کے کپتان بابر اعظم کے والد کی جانب سے پاک انگلینڈ سیریز کے برابر ہونے پر کہاکہ پاکستانی کرکٹ ٹیم نہیں ،اْس کا آپس کا اتفاق، کچھ کر گزرنے کا جذبہ اور ایک دوسرے پر سب کا اعتماد اور عوام کی دعا اور پیار جیتا ہے۔سوشل میڈیا انسٹاگرام پر اعظم صدیقی نے بیٹے بابر اعظم کی ایک تصویر شیئر کرتے ہوئے کیپشن میں لکھا ہے کہ پردیس سے دیس والوں کو سلام، میرے خیال میں آج پاکستانی کرکٹ ٹیم نہیں بلکہ اْس کا آپس کا اتفاق، کچھ کر گزرنے کا جذبہ اور ایک دوسرے پر سب کا اعتماد اور عوام کی دعا اور پیار جیتا ہے۔انہوں نے لکھا کہ جو جیتا وہی سکندر، بہادروں نے بہادری سے میچ جیتا اور یہ بات ہماری بہادر قوم سے بہتر کون جان سکتا ہے، پاکستان زندہ باد۔