شیخوپورہ، فیصل آباد (نمائندہ خصوصی+ نمائندہ نوائے وقت) حالات سے دلبرداشتہ ہو کر فیصل آباد میں خاتون، چار بچوں کے باپ اور شیخوپورہ میں نوجوان نے خودکشی کر لی۔ جبکہ ایک شخص نے اقدام خودکشی کیا۔ فیصل آباد میں نازیہ بی بی سکنہ 118 ج ب نے زہریلا کیمیکل پی لیا۔ روٹھی بیوی کو گھر واپس لانے میں ناکامی پر اشرف نے زہریلی گولیاں کھا کر خودکشی کی۔ متوفی چار بچوں کا باپ تھا۔ گھریلو جھگڑوں سے دلبرداشتہ ہوکر  چالیس سالہ شہزاد 70 ج ب جھنگ روڈ نے زہریلی گولیاں نگل کر اپنی زندگی ختم کرنے کی کوشش کی۔ شیخوپورہ کے علاقہ جنڈیالہ روڈ کے رہائشی 24سالہ نوجوان وقاص نے بے روزگاری اور گھریلو معاشی حالات سے تنگ آکر گندم میں رکھنے والی گولیاں نگل لیں جسے تشویشناک حالت کے تحت ڈی ایچ کیو ہسپتال منتقل کیا گیا مگر وہ جانبر نہ ہوسکا۔ 
خودکشیاں