خیر پور ٹامیوالی میں جلد ترقیاتی کاموں کا آغاز ہوگا :پی ٹی آئی رہنماء

خیر پورٹامیوالی(خبرنگار) محلہ چاہ نکو والا نزد عمر بن خطاب مدرسہ کے اہل علاقہ کے لیے چوہدری نعیم الدین وڑائچ کی کاوشوں سے اور وزیر اعلیٰ پنجاب چوہدری پرویز الہٰی کی جانب سے ترقیاتی فنڈ منظور ہونے پر گلیوں کی تعمیر نو "ٹف ٹائل سیوریج سسٹم کا با قاعدہ کام انشاء اللہ چند دنوں میں شروع ہونے جا رہا ہے۔ اس سلسلہ میں پاکستان تحریک انصاف کے عہدیداران جن میں سٹی صدر رانا عامر،جنرل سیکرٹری رانا محمد آصف،انفارمیشن سیکرٹری سلمان پیرزادہ ،سب انجینئر محمد آفتاب اور  نازش رمضان نے علاقے کا وزٹ کیا اس موقع پر نازش رمضان کا کہنا  تھا کہ اہل علاقہ کی محرومیوں کا ازالہ کیا جائے اور ساتھ ساتھ پانی کے دیرینہ مسائلے کو بھی حل کیا جائے سی او طیبہ رمضان سے اہل علاقہ کی طرف سے اپیل کرتی ہوں کہ یہاں کی عوام کے لیے پانی  جیسے بنیادی مسئلے کو جلد از جلد حل کیا جائے۔ کیونکہ  زیر زمین  پانی  بہت کڑوا ہے اس کے پینے سے عوام ڈائریا ،پیٹ کے امراض میں مبتلا ہو رہے ہیں اور روزانہ کی بنیاد پر عوام کے لیے کافی فاصلے سے پانی بھرنا بہت مشکل کام ہے۔