ایشین گیمز مینز فٹ بال‘پری کوارٹر فائنل راﺅنڈ آج شروع ہوگا

لاہور(سپورٹس رپورٹر) چین کے شہر ہانگزو میں جاری 19ویں ایشین گیمز کے مینز فٹ بال ایونٹ کا پری کوارٹر فائنل راﺅنڈ آج بدھ سے شروع ہوگا جس کے 5 میچوں کا فیصلہ ہوگا۔ٹاپ 16 راﺅنڈ کا پہلا میچ ایران اور تھائی لینڈ کی ٹیموں کے درمیان کھیلا جائےگا، دوسرے میچ میں شمالی کوریا اور بحرین کی ٹیمیں پنجہ آزمائی کریں گی، تیسرا میچ میزبان چین اور قطر کی ٹیموں کے درمیان کھیلا جائےگا، چوتھے میچ میں ہانگ کانگ فلسطین کی ٹیمیں آمنے سامنے ہوں گی جبکہ پانچواں میچ جنوبی کوریا اور کرغزستان کی ٹیموں کے درمیان کھیلا جائے گا۔پری کوارٹر فائنل راﺅنڈ کے بقیہ تین میچز کل 28 ستمبر کو کھیلے جائیں گے جس کے بعد مینز فٹ بال ایونٹ کی کوارٹر فائنل لائن اپ مکمل ہوجائے گی۔کوارٹر فائنل راﺅنڈ کے چاروں میچز یکم اکتوبر کو کھیلے جائیں گے۔