ایف بی آر، جرمن حکام کے درمیان دوہرے ٹیکس، چوری روکنے کا معاہدہ

اسلام آباد (نوائے وقت رپورٹ+نمائندہ خصوصی) پاکستان اور جرمنی کے درمیان آمدنی پر دہرے ٹیکس اور ٹیکس چوری روکنے کا معاہدہ ہو گیا۔ فیڈرل بورڈ آف ریونیو اور جرمنی کے ٹیکس حکام کے درمیان اسلام آباد میں مذاکرات ہوئے۔ پاکستان اور جرمنی کے درمیان دہرے ٹیکس اور ٹیکس چوری روکنے کا معاہدہ 1994ءمیں ہوا تھا۔ ٹیکس قوانین اور قواعد میں تبدیلیوں کے پیش نظر یہ معاہدہ نئے تقاضوں سے ہم آہنگ کرنے پر اتفاق کیا گیا۔ معاہدے سے دوطرفہ اقتصادی تعاون، سرمایہ کاری اور تجارت کو فروغ ملے گا۔ معاہدے سے پاکستان اور جرمنی کے درمیان ٹیکس دہندگان کو دہرے ٹیکسوں سے نجات ملے گی۔