لاہور(سپورٹس رپورٹر)پاکستان کرکٹ ٹیم کے کپتان بابر اعظم نے کہا ہے کہ خود سے زیادہ مجھے میری ٹیم پر اعتماد ہے۔ورلڈکپ کیلئے بھارت روانگی سے قبل گزشتہ روز پریس کانفرنس میں بابر اعظم نے کہا کہ انہی کھلاڑیوں نے پاکستان کو نمبر ون بنایا ہے، مجھے پتہ ہے کہ کون میرے لیے اور ٹیم کیلئے فائٹ کرتا ہے۔بھارت میں پہلی مرتبہ کھیلنے کا دباو¿ نہیں ہے،کنڈیشنز کے بارے میں علم ہے،سابق کرکٹرز سے معلومات لینے کی کوشش کی ہے، ورلڈ کپ کیلئے بھرپور تیاری ہے، کوشش کریں گے کہ بطور ٹیم اچھا کھیل پیش کریں۔ میرے لیے اعزاز ہے کہ اس مرتبہ کپتان کی حیثیت سے کھیل رہا ہوں،کوشش ہے کہ ہم ورلڈ کپ جیت کر آئیں۔ٹاپ فورچھوٹا ہدف ٹائٹل جیتیں گے، ان ہی لڑکوں کی وجہ سے ہم نمبر ون بنے ہیں، میں ٹیم میں زیادہ تبدیلیوں کا قائل نہیں ہوں، ایشیا کپ کے دو میچز میں ہم اچھا نہیں کھیلے، فیلڈنگ میں کمی تھی، بہتر کرنے کی ضرورت ہے، ہر میچ میں ایک جیسی غلطی نہیں ہوتی، ایک غلطی کو کور کرتے ہیں تو دوسری آجاتی ہے۔بابر نے نسیم شاہ کی انجری سے متعلق کہا کہ ورلڈکپ میں اس کی کمی محسوس ہوگی، اسے ہم کافی یاد کریں گے، وہ شاہین کےساتھ جیسی باﺅلنگ کرتا تھا وہ ہمیں مختلف وائب دیتا تھا، نسیم کے بعد جو بہترین چوائس تھی اسے ٹیم میں لائے ہیں۔چیف سلیکٹر انضمام الحق ، کوچ مکی آرتھر کی مشاورت سے حسن علی کو منتخب کیا کیونکہ اس کے پاس تجربہ بھی ہے، ابھی نہیں بتاسکتا کہ شاہین کےساتھ کون نیا گیند کرے گا، قومی ٹیم کو یہی پیغام دیا ہے کہ پہلے بھی کرتے آئے ہیں اور اب بھی کرنا ہے، ہمارا ایک میچ پر فوکس نہیں سب پر ہے، 2019 سے ہم آٹھ سے نو کھلاڑی ایک ساتھ کھیل رہے ہیں۔ہمارے سپنرز بہت اچھے ہیں، مانتا ہوں پرفارم نہیں کیا لیکن ایسا نہیں کہ وہ اچھے نہیں، پاکستان ٹیم میں کھیلنا آسان نہیں ، وہ اچھے ہیں تبھی ٹیم میں ہیں۔سینٹرل کانٹریکٹ سے متعلق بابر اعظم نے کہا کہ ویزے آچکے ہیں اور ہم جا رہے ہیں، سینٹرل کنٹریکٹ پر بات ہو رہی ہے اور جلد ہوجائیں گے، پی سی بی نے ہمیشہ کھلاڑیوں کا اچھا سوچا ہے اس بار بھی اچھا ہی ہو گا۔ بھارت میں پہلی مرتبہ کھیلنے کا دباو¿ نہیں ہے، کنڈیشنز کے بارے میں علم ہے،سابق کرکٹرز سے معلومات لینے کی کوشش کی ہے، ورلڈ کپ کےلئے بھرپور تیاری ہے، کوشش کریں گے کہ بطور ٹیم اچھا کھیل پیش کریں۔ احمد آباد میں کھیلنے کیلئے پ±رجوش ہوں، بڑا ایونٹ ہیرو بننے کا ٹائم ہوتا ہے، سب کھلاڑیوں کیلئے ورلڈ کپ اہم ہوتا ہے۔ فیلڈنگ کو مزید بہتر کرنا ہے، مداح ہمارے جہاں بھی ہوں گے ہمیں سپورٹ کرتے رہیں گے۔ مستقبل میں غلطیاں نہ ہوں، ٹیم کمبی نیشن کا فیصلہ میچ کے روز کنڈیشن دیکھ کر کریں گے، اہم ہے کہ آپ نے بہترین کھلاڑیوں کےخلاف کھیلنا ہے، ورلڈ کپ کیلئے جو کھلاڑی جارہے ہیں انہیں فخر محسوس کرنا چاہیے۔ قومی کرکٹ ٹیم بھارت میں شیڈول ورلڈکپ کیلئے گزشتہ رات لاہور کے علامہ اقبال انٹرنیشنل ائیرپورٹ سے رات 9 بجے دبئی کیلئے روانہ ہوگئی بعدازاں مختصر قیام کے بعد حیدرآباد پہنچے گی۔بھارت کی جانب سے قومی ٹیم کے ویزوں میں تاخیر کے باعث دبئی میں قیام مختصر کردیا گیا ہے۔ پاکستانی شائقین کرکٹ کے ویزوں کے حوالے سے بھارتی میڈیا کی رپورٹس میں دعویٰ کیا گیا ہے کہ محض 250 پاکستان شائقین کو ویزے دیئے جائیں گے۔قومی ٹیم اپنا پہلا وارم اپ میچ نیوزی لینڈ کےخلاف حیدرآباد میں 29 ستمبر کو کھیلے گی۔آئی سی سی ورلڈ کپ 5 اکتوبر سے بھارت میں شروع ہوگا۔