حافظ آباد(نمائندہ خصوصی+نمائندہ نوائے وقت)گورنمنٹ گرلز ایسوسی ایٹ کالج شرقی دوآبہ حافظ آباد میں عید میلاد النبی کے سلسلہ میں محفل پاک اور نعتیہ مقابلہ کا انعقاد کیا گیا ۔ پرنسپل میڈم نسرین اختر سمیت کالج پروفیسر ز ،لیکچرار ، طالبات اور خواتین کی بڑی تعداد نے محفل پا ک میں شرکت کی ۔ اس موقع پر خطاب کر تے ہوئے پرنسپل میڈم نسرین اختر نے کہا کہ حضور نبی کریم کی تعلیمات رہتی دنیا تک کے لوگوں کے لیے مشعل راہ ہیں، آپ کی آمد سے دنیا میں چھائے جہالت کے اندھیرے چھٹ گئے ،مظلوموں پر ظلم ختم ہو گیا اور خواتین کو ان کے حقو ق ملنا شروع ہو گئے ۔محفل پا ک میں کالج کی طالبات نے حضور نبی کریم شان اقدس میں نعتیہ کلام بھی پیش کیے ۔