الیکشن میںکلین سویپ کامیابی دلانے پر تمام تاجروں ،صنعتکاروں کا شکریہ :انجم نثار

لاہور (کامرس رپورٹر) پیاف پائنیرزپروگریسو الائنس کے32 سیٹو ں پر شاندار کامیابی پر مبارکبادوں کا سلسلہ جاری ہے۔ پیٹرن انچیف پیاف میاں انجم نثار نے (پیاف) لاہور چیمبرالیکشن  2024-26 میں پیاف پائینیرز پروگریسیو الائنس کے امیدواران کو ووٹ دینے اور کلین سویپ کامیابی سے ہمکنار کرنے پر لاہور کی تمام مارکیٹس کے تاجروں اور صنعتکاروں کا شکریہ ادا کیا اور مبار کباد دی ۔ انھوں نے کہا ہمیں تاجروں کی خدمت کا ووٹ ملا ہے۔لاہور چیمبر کے ممبران نے حق اور سچ کا ساتھ دیا ہے۔ تاجروں نے پی پی پی الائنس پرجو اعتماد کیا ہے،اسکو ٹھیس نہیں پہنچائیں گے۔