آرٹیفیشل انٹیلی جنس کا استعمال،سمارٹ سٹیز ‘پولیسنگ میں اہمیت کا حامل

لاہور( سٹاف رپورٹر)پنجاب سیف سٹیز اتھارٹی میں"جدید پولیسنگ" کے حوالے سے کانفرنس کا انعقاد کیا گیا۔ کانفرنس میں آئی جی پنجاب ڈاکٹر عثمان انور،مینجنگ ڈائریکٹر سیف سٹیز سمیت دیگر پولیس افسران نے شرکت کی۔"ٹیک ڈریون پولیسنگ"کانفرنس میں محکمہ پولیس،ایجوکیشن، میڈیا، قانونی ماہرین اور دیگر شعبہ ہائے زندگی سے وابستہ افراد شریک تھے۔ماہرین نے جدید کرائم اور چیلنجز سے نبردآزما ہونے کیلئے اکیڈمیا اور سوسائٹی کے تعاون کو لازم قرار دیا۔جدید ٹیکنالوجی کے استعمال میں پنجاب پولیس کو درپیش چیلنجز بارے تجاویز پیش کی گئیں۔ اے آئی کا استعمال،سمارٹ سٹیز اور پولیسنگ میں ٹیکنالوجی کا کردار اہمیت کا حامل ہے۔