گوجرانوالہ:تجاوزات مافیا کیخلاف گرینڈ آپریشن مہم کا آغاز

گوجرانوالہ(نمائندہ خصوصی )کمشنر نوید حید ر شیرازی کے حکم پر چیف آفیسر حیدر علی چٹھہ کی ہدایات پر میو نسپل کا رپوریشن انتظامیہ نے سو ئی گیس روڈ،گل روڈسمیت دیگر مقامات پر غیر قانونی تجاوزات کرنیوالی مافیا کیخلاف گرینڈ آپریشن مہم کے دوران روڈ کے آگے تجاوزات قائم کرنے پر 15دوکانیں سیل کردیں،200کے قریب قائم عارضی تجاوزات کا صفایا دوران آپریشن 2ٹرک سامان ہتھ ریڑیاں,پھٹے, کائونٹرسمیت دیگر سامان قبضہ میں لیکر محکمانہ کاروائی شروع کردی۔ اس موقع پر لینڈ منیجر رحمت علی انصاری عرفان نسیم بٹ،ماجد مہر نے کہا کہ جی ٹی روڈ سمیت اندرون شہر کے ہر بازار میں روزانہ کی بنیاد پر آپریشن جاری ہے۔ تمام دوکانداراندرون شہر کے تمام بازار اورمارکیٹس کو ہر قسم کی تجاوزات سے پاک کر نے میں ہمارا ساتھ دیں اور بازار کے راستے کو کشادہ کرنے میں اپنا کردار اد کریں۔ اور از خود تجاوزات کا خاتمہ کریں۔