گوجرانوالہ(نمائندہ خصوصی )چیئرمین ٹریول ایجنٹس ایسوسی ایشن رانا مدثر نذر خاں ایڈووکیٹ نے کہا ہے کہ پاکستان اور سعودیہ کے تعلقات دو بھائیوں جیسے ہیں ‘خادم حرمین شریفین کا احترام ہر مسلمان پر لازم ہے ۔دونوں ممالک کے تعلقات پر پاکستانیوں کو فخر ہے۔پاکستان ‘سعودیہ نے ہمیشہ ایک دوسرے کے موقف کی حمایت کی ان خیالات کا اظہار انہوں نے اپنے مرکزی آفس میں سعودی عرب کے قومی دن کی مناسبت سے منعقدہ ایک تقریب سے گفتگو کرتے ہوئے کیا۔