گوجرانوالہ(نمائندہ خصوصی ) مقدمہ بازی کی رنجش پر بااثر ملزمان نے گھر میں داخل ہو کر بیہمانہ تشدد اور آہنی راڈو ں کے وار کرکے چار افرادکو شدید زخمی کردیا، سی پی او کا واقعہ کا نوٹس ، پولیس نے مقدمہ درج کرکے ملزمان کو گرفتار کر لیا ، تفصیلات کے مطابق فرید ٹائون کے رہائشی محمد نقاش کے گھر گزشتہ رات یوسف عرف مٹھو ،قاسم ، ناصر، طارق ، عمیر اور 25نامعلوم مسلح افرادزبردستی اندر داخل ہو گئے جنہوں نے بیہمانہ تشدد، اسلحہ کے بٹ اور آہنی راڈوں کے وار کرکے نقاش، سہیل، وقاص اور احمد کو شدید زخمی کردیا ، شور کی آوازیں سن کر محلے دار اکٹھے ہو گئے تاہم ملزمان سنگین نتائج کی دھمکیاں اور ہوائی فائرنگ کرتے ہوئے موقع سے فرار ہو گئے ۔