ننکانہ؍ میانوالی؍ سیالکوٹ (نامہ نگاران) مختلف واقعات میں چار افراد نے خودکشی کر لی۔ تفصیلات کے مطابق شیخوپورہ میں مانانوالہ، ننکانہ روڈ پر چندر کوٹ کے قریب 20 سالہ نوجوان علی انصر نے نہر  میں چھلانگ لگا کر خودکشی کر لی۔ میانوالی میں ملتان سے پنڈی براستہ میانوالی کندیاں جانے والی مہر ایکسپریس چلتی ٹرین میں مسافر نے چشمہ جہلم لنک کینال میں مبینہ چھلانگ لگا کر خودکشی کر لی۔ مسافر کی شناخت ریحان صفدر ساکن ملتان کے نام سے ہوئی۔ سیالکوٹ میں تھانہ مراد پور کے علاقہ گوہد پور کے میاں ریاض کی فیکٹری کے قریب 45 سالہ ساجد نے لوہے کی تار کے ساتھ لٹک کر خودکشی کر لی۔ ڈسکہ کے نواحی گاؤں لوڑھکی کے عمر دو بچوں کے باپ نے گھریلو حالات سے دلبرداشتہ ہو کر زہریلی گولیاں کھا کر خودکشی کر لی۔