سیشن جج چکوال صادق مسعود صابر کا سول اینڈ سیشن کورٹس تلہ گنگ کا دورہ 

تلہ گنگ(نامہ نگار)ڈسٹرکٹ اینڈ سیشن جج چکوال صادق مسعود صابر نے سول اینڈ سیشن کورٹس تلہ گنگ کا دورہ کیا جوڈیشل کمپلیکس آمد پر ایڈیشنل ڈسٹرکٹ اینڈ سیشن جج راجہ اجمل خان، ایڈیشنل ڈسٹرکٹ جج ملک سلیم اقبال،  سول جج عمران یعقوب، سول جج مسعود الحسن، سول جج آصف اقبال نے استقبال کیا ڈ سٹرکٹ اینڈ سیشن جج صادق مسعود صابر نے سیشن کورٹ کے لان میں مون سون شجر کاری مہم کے سلسلہ میں پودا لگایا بعد ازاں انہوں نے سیشن کورٹس اور ریکارڈ روم کا معائنہ کیا اس موقع پر انہوں نے کہا کہ معاشرے کا ہر فرد شجر کاری مہم میں حصہ لے، پودے لگانا صدقہ جاریہ ہے پودے لگا کر ماحول کو آلودگی سے پاک کیا جاسکتا ہے  انہوں نے  کہا کہ سٹاف کی کمی کو پورا کیا جائے گا اور تمام وسائل بروئے کار لا کر بنیادی ضروریات مہیا کی جائیں گی ۔