فتح جنگ(نامہ نگار)ادبی تنظیم’’ دیپ‘‘ کے زیر اہتمام تحصیل فتح جنگ کے گاؤں حطار کی پہلی ادبی تنظیم "دیپ" کے زیر اہتمام "آقاؐکے ثنا خوان ہیں ہم نصف صدی سے" کے عنوان سے ایک نعتیہ مشاعرہ کل 28ستمبربروزہفتہ بعدنمازعشاحطارمیں منعقدہورہاہے، سرپرست اعلیٰ معروف شاعر خالدمصطفی کے مطابق یہ مشاعرہ گاؤں حطارمیں سالانہ جلوس عیدمیلادالنبیؐ کے 50 سال مکمل ہونے کے سلسلہ میں معروف شاعر نسیم سحرکی زیرصدارت ہوگا۔مہمانِ خصوصی ڈاکٹر شہاب صفدر ڈیرہ اسماعیل خان جبکہ مہمانِ اعزاز فائق ترابی حضرو اور پروفیسرناصرمنگل اسلام آباد ہوں گے، نظامت مقامی شاعر عادل جہانگیر کریں گے جبکہ دیگر شعرا میں شعیب دائم،ثاقب ساقی،دانیال کاشمیری اور زاہد محمود شامل ہیں۔