حافظ آباد (نمائندہ نوائے وقت) انجمن تاجران ریل بازار حافظ آباد کے صدر حاجی محمد ندیم طور نے کہا ہے کہ الیکشن میں عوام جاگیردار اور مفاد پرست ٹولے کو شکست فاش دیں گے۔ چودھری مہدی بھٹی گروپ علاقہ میں کروائے گئے ترقیاتی کاموں کی بدولت بھاری اکثریت سے کامیاب ہو گا۔ اپنے دفتر میں ایک اجلاس کے دوران حاجی محمد ندیم طور نے مزید کہا کہ تاریخ گواہ ہے کہ چودھری مہدی بھٹی نے اپنے دور میں جتنے ترقیاتی کام کروائے ان کی مثال نہیں ملتی۔ حافظ آباد ڈی ایچ کیو میں غریب عوام کو مفت ادویات کی فراہمی یقینی بنانا۔ ہر دیہات میں سڑک‘ گھر گھر گیس کی فراہمی چودھری مہدی بھٹی کے ہی کارنامے ہیں۔ انہوں نے کہا کہ باشعور عوام غریب دوست اور مفاد پرست میں فرق جان چکے ہیں۔ الیکشن میں چودھری شوکت بھٹی‘ مظفر شیخ سمیت مہدی گروپ کے تمام امیدوار مخالفین کو شکست دیں گے۔