کوئٹہ (بیورو رپورٹ) چمن میں کسٹم ہا¶س کی دیوار کے ساتھ نصب دھماکہ خیز مواد پھٹنے سے 2 افراد زخمی ہو گئے۔ یہاں آمدہ اطلاعات کے مطابق ہفتہ کو چمن میں پاک افغان سرحد پر واقع کسٹم ہا¶س کی دیوار کے ساتھ نامعلوم افراد نے دھماکہ خیز مواد نصب کر رکھا تھا۔، زوردار دھماکے سے پھٹنے کے نتیجے میں 2 افراد زخمی ہوگئے، چوکی مکمل طور پر تباہ ہوگئی۔ دوسری طرف دالبندین میں سکیورٹی فورسز کے عملے نے پاک ایران ریلوے ٹریک کو دھماکے سے اڑانے کی کوشش ناکام بنادی۔ لاگاپ کے قریب نامعلوم افراد نے پاک ایران ریلوے ٹریک پر تخریب کاری کی غر ض سے بم نصب کررکھا تھا سیکورٹی فورسز اور بم ڈسپوزل سکواڈ کے عملے نے موقع پر پہنچ کر 5کلو گرام وزنی بم ناکارہ بناکر قبضے میں لے لیا تاہم کوئی گرفتاری عمل میں نہیں آئی۔