سکھیکی (نامہ نگار) سکھیکی میں لاہور سرگودھا روڈ پر دو موٹر سائیکلوں میں تصادم کے نتیجے میں باپ بیٹی جاں بحق جبکہ ماں بیٹا شدید زخمی ہوگئے۔ سانگلہ ہل کے نواحی گائوں پنڈوریاںکے سرفراز احمد ملک اپنے بیوی، بیٹے اوربیٹی کیساتھ موٹر سائیکل پر اپنے گائوں سے سکھیکی کے قریبی گائوں کوٹ میراں کی طرف جا رہا تھا۔ جب وہ لاہور، سرگودھا روڈ پر رورل ہیلتھ سنٹر کے قریب پہنچا تو پیچھے سے آنے والے ایک نامعلوم موٹر سائیکل سوار نے سائیڈ مار دی جس کی وجہ سے سرفراز احمد ملک کی موٹر سائیکل بے قابو ہو کر سڑک کے کنارے درخت سے ٹکرا گئی جس کے نتیجے میں سرفراز احمد ملک اور اسکی 9 سالہ بیٹی بسمہ موقع پر ہی دم توڑ گئے جبکہ اسکی بیوی پروین اختر اور اسکا 6 سالہ بیٹاراحیل زخمی ہوگئے۔ شدید زخمی راحیل کو الائیڈ ہسپتال فیصل آباد منتقل کر دیا گیا ہے جبکہ پروین اختر کی حالت تسلی بخش بتائی گئی ہے۔  سائیڈ مارنے والے نامعلوم موٹر سائیکل سوار موقع سے فرار ہوگئے۔