لاہور(سپورٹس رپورٹر) حمزہ شہباز پنجاب کراٹے چیمپیئن شپ لاہور ریڈ نے 195 پوائنٹس کے ساتھ جیت لی۔ایونٹ میں 10 ٹیموں نے شرکت کی۔  لاہور ریڈ ٹیم نے 3 گولڈ، 3 سلور اور ایک برانز میڈل کے ساتھ پہلی پوزیشن اپنے نام کی۔ میزبان لاہور وائٹ نے دوسری‘ساہیوال نے تیسری پوزیشن ‘گوجرانوالہ نے چوتھی‘ بہاولپور نے پانچویں پوزیشن حاصل کی۔ اختتامی تقریب کے مہمان خصوصی رکن قومی اسمبلی مسلم لیگ ن کے ملک پرویز تھے ۔جبکہ اس موقع پر رکن صوبائی اسمبلی باو اختر علی، پاکستان کراٹے فیڈریشن کے صدر محمد جہانگیر اور پنجاب کے سیکرٹری محمد ندیم بھی موجود تھے جنہوں نے کھلاڑیوں میں انعامات تقسیم کیے۔ محمد ندیم نے سپورٹس پنجاب کے تعاون کا شکریہ ادا کیا۔