صدر اور وزیر اعظم آج کراچی جائیں گے

کراچی (این این آئی) صدر مملکت ممنون حسین اور وزیراعظم شاہد خاقان عباسی آج کراچی کا دورہ کریں گے۔ ذرائع کے مطابق اپنے دورے کے دوران وزیر اعظم نجی ہسپتال کے ڈائلاسز یونٹ کا افتتاح کریں گے جبکہ صدر مملکت جامعہ کراچی میں سیرت چیئر کی عمارت کا سنگ بنیاد رکھیں گے۔ وزیراعظم ٹنڈو آدم میں گیس منصوبے کا بھی افتتاح کریں گے۔ بعد ازاں گورنر ہائوس میں وزیر اعظم کی زیر صدارت کراچی کے مختلف منصوبوں پر اجلاس ہوگا۔