ریاض (اے پی پی) جنوبی کوریا کی کمپنی سی جے 4 ڈی پلیکس نے سینما سٹی کے ساتھ نئی شراکت داری سے متعلق مفاہمت کی یادداشت پر دستخط کردیئے ۔العربیہ ٹی وی کے مطابق اس معاہدے کے تحت سعودی دارالحکومت ریا ض میں تین مقامات اور دوسرے بڑے شہروں میں 2018ء کے اختتام تک 4 ڈی ایکس مووی تھیٹر کھولے جائیں گے۔سینما سٹی کی مادر کمپنی ایکسکلوسیو سینما سال ہولڈنگ کے مطابق ریاض میں القصر مال سی جے 4 ڈی ایکس پہلا مووی تھیٹر ہوگا۔اس کی 19 سکرینیں ہوں گی۔ یہ کمپنی 2018ء کے آخر تک پانچ ممالک سعودی عرب ،اردن ، لبنان ،شام اور متحدہ عرب امارات میں مزید 116 سکرینیں نصب کرے گی۔