ہری پور(سی پی پی) ہری پور کے تھانہ صدر کی حدود میں شہر کو ملانے والا پل گرنے سے دو حقیقی بھائی جاں بحق اور 8 زخمی ہو گئے، جاں بحق ہونے والے دونوں بھائی موٹر سائیکل پر شہر جا رہے تھے، ضلعی انتظامیہ، پولیس اور مقامی افراد نے زخمی اور جاں بحق افراد کو ملبہ سے نکال کر ڈی ایچ کیو ہسپتال ہری پور منتقل کر دیا، پل ٹوٹنے کے باعث پل کے دونوں اطراف کے سینکڑوں رہائشی افراد پھنس کر رہ گئے۔ ڈپٹی کمشنرہری پور سید فیاض حسین شاہ نے پل حادثہ سے متعلق اعلی سطحی تحقیقاتی کمیٹی قائم کر دی ہے۔کمیٹی کی سربراہی ایڈیشنل ڈپٹی کمشنر ہری پور سیف الاسلام کریں گے اور یہ کمیٹی 24 گھنٹے کے اندر حادثہ کی رپورٹ ڈپٹی کمشنر کے پاس جمع کروائے گی۔