نگہت میرکی مسلم لیگ ن کے لیے خدمات کو سنہری حروف میں لکھا جائے گا:کیپٹن ر صفدر

جہلم (نامہ نگار ) نگہت میرکی مسلم لیگ ن کے لیے خدمات کو سنہری حروف میں لکھا جائے گا ، جنہوں نے ساری زندگی اور مشکل ترین حالات میں پاکستان مسلم لیگ ن کے ساتھ گزاری ، ان خیالات کا اظہارمسلم لیگ ن یوتھ ونگ کے مرکزی صدر کیپٹن ریٹائرڈ صفدر نے دختر جہلم نگہت میر کی وفات پر جہلم میں ان کے اہل خانہ سے اظہار تعزیت کرتے ہوئے کیا ، انہوں نے کہا کہ نگہت میر جیسی کارکن پارٹیوں میں بہت کم ہوتی ہیں جنہوں نے ساری زندگی ایک پارٹی کے ساتھ مخلص رہ کر گزاری ہو خاص کر جب بھی مسلم لیگ ن پر کوئی مشکل گھڑی آئی تو نگہت میر نے جرات مندی اور ثابت قدمی کے ساتھ ڈٹی رہیں ، انہوں نے کہا کہ میاں نواز شریف اور میاں شہباز شریف ، محترمہ مریم نواز بھی اظہار افسوس کے لیے جہلم آئیں گے اس موقع پر سابق ایم پی اے چوہدری لال حسین ، رہنما مسلم لیگ ن و جنرل کونسلر حاجی طاہر سلیم ، منیر تارڑ کونسلر،ناصر بھٹی ،وحید میر ،رشید بٹ ، خالد ہزارہ و دیگر سینئر پارٹی رہنما بھی موقع پر موجود تھے ۔