جاوید میاندادنے کرکٹرز کو ویڈیولنک پر لیکچردیا

لاہور(سپورٹس رپورٹر) سابق کرکٹرز کا موجودہ کرکٹرز کو آن لائن لیکچرز دینے کا سلسلہ شروع۔ سابق کپتان جاوید میاں داد نے بیٹسمینوں کو ویڈیو لنک پر لیکچر دیا۔ پی سی بی نے کورونا وائرس کے باعث پیدا ہونے والی صورتحال میں 45 کرکٹرز کو لیکچرز دینے کا سلسلہ شروع کیا۔ جاوید میاں نے بیٹسمینوں کو اپنے تجربات اور خوشگوار واقعات سے آگاہ کیا۔ سابق بیٹسمین نے کھلاڑیوں کو انگلینڈ کی کنڈیشنز کے مطابق کھیلنے کے گر بتائے۔جاوید میاں داد نے خصوصی طور پر ڈینس للی کا سامنا کرنے کے بارے میں بھی بتایا۔ محمد حفیظ، بابر اعظم اور امام الحق نے سابق لیجنڈری بیٹسمین سے سوالات کیئے۔ بابر اعظم نے جاوید میاں داد سے تیکنیکی حوالے سے گفتگو کی۔ جاوید میاں داد کا کہنا تھا کہ بابر اعظم تم اچھا کھیل رہے ہو اسی طرح کھیلتے رہو۔ انہوں نے امام الحق کو دباو نہ لینے کی ہدایت کی۔ محمد حفیظ نے بھی جاوید میاں داد سے سوالات کیے۔ پہلے سیشن میں ہیڈ کوچ مصباح الحق اور بولنگ کوچ وقار یونس بھی شریک ہوئے۔ جبکہ دوسرے سیشن میں سابق فاسٹ بولر وسیم اکرم فاسٹ بالرز کو لیکچر دیں گے۔