دفاتر کھولنے کی ہدایات موصول نہیں ہوئیں،ترجمان نادرا

اسلام آباد(نیوزرپورٹر) نیشنل ڈیٹابیس اینڈ رجسٹریشن اتھارٹی(نادرا) کے ترجمان نے کہا ہے کہ حکومت کی طرف سے نادرا دفاتر کھولنے کی کوئی ہدایات موصول نہیں ہوئیں۔ پیر کو جاری بیان میں ترجمان نے بتایا کہ حکومت کی طرف سے ملنے والی ہدایات پر عملدرآمد کیا جائے گا، نادرا دفاتر کھولنے کی صورت میں تمام ضروری احتیاطی تدابیر اختیار کی جائیں گی اور اس بارے میں عوام کو میڈیا کے توسط سے آگاہی دی جائے گی۔ ترجمان نے عوام سے درخواست کی کہ رمضان المبارک میں زحمت سے بچنے کے لیے نادرا دفاتر کھولنے کے حوالے سے حکومت کی ہدایات ملنے کے بعد ہی نادرا دفاتر آئیں۔