کوٹری(نامہ نگار)پولیس نے کوٹری کے علاقہ نانگو لائن میں کباڑی کے گودام پر چھاپہ مار کر بھاری مقدار میں ریلوے اسکریپ برآمد کرلیا ہے۔پولیس کاروائی پر گودام مالک لالہ عرف طارق لونڈ موقع سے فرار ہونے میں کامیاب ہوگیا جبکہ ریلوے پولیس نے دو افراد انور شیخ اور چانڈیو بھیل کو گرفتار کرلیا ہے۔ملزمان کیخلاف مقدمہ  درج کرلیا گیا ہے۔ایس ایچ او کوٹری ریلویپولیس نے بتایا کہ گودام سے برآمد سامان میں ریلویٹریک کی فلش پلیٹ۔کمانیاں اور نٹ بولٹ شامل ہیں۔برآمد سامان کی تفتیش کررہے ہیں جلد دیگر ملزمان کو قانونی گرفت میں لیا جائیگا۔