لاہور(سپورٹس رپورٹر)پاکستان سپر لیگ سیزن 6 کے متبادل کھلاڑیوں کیلئے آن لائن ڈرافٹنگ کا عمل مکمل ہوگیا۔ کراچی کنگز نے پلاٹینم کیٹگری میں نیوزی لینڈ کے مارٹن گپٹل کو لے لیا۔کراچی کنگز نے ڈائمنڈ کیٹگری میں افغانستان کے نجیب اللہ زدران اور سری لنکا کے تھیسارا پریرا کو چن لیا۔بنگلہ دیش کے لٹن ڈاس کو کراچی کنگز نے سلور کیٹگری میں منتخب کیا۔لاہور قلندر نے بنگلہ دیش کے آل راؤنڈر شکیب الحسن کا انتخاب کیا، جیمز فولکنر، جوبرنز، کیلم فرگوسن اور سیکو پرسنا بھی لاہور قلندرز کا حصہ بن گئے۔نیوزی لینڈ کے کولن منرو پی ایس ایل 6 کے بقیہ میچز میں ان ایکشن ہوں گے، اسلام آباد یونائیٹڈ نے کولن منرو کو ٹیم کا حصہ بنالیا۔اسلام آباد یونائیٹڈ نے عثمان خواجہ اور جانے مین میلان کو منتخب کرلیا جبکہ کوئٹہ گلیڈی ایٹرز نے ویسٹ انڈین آل رائونڈر آندرے رسل کو چن لیا۔ملتان سلطانز نے محمود اللہ، رحمان اللہ، جارج لنڈے، اوبے میکوئے کو منتخب کیا۔واضح رہے کہ پی ایس ایل 6 کے بقیہ میچز یکم جون سے کراچی کے نیشنل سٹیڈیم میں کھیلے جائیں گے، ایونٹ کا فائنل 20 جون کو کھیلا جائے گا۔