بائیکو پٹرولیم کا رواں سال کے پہلے 9 ماہ  کیلئے مالیاتی نتائج کا اعلان

ملتان سماجی رپورٹر) پاکستان کی سب سے بڑی آئل ریفائنری کمپنی  بائیکو پٹرولیم پاکستان لمیٹڈ نے 31 مارچ، 2021 کو ختم ہونے والے پہلے نو ماہ کیلئے مالیاتی نتائج کا اعلان کیا ہے۔ 2020 میں کرونا وباکے باعث تیل کی قیمتوں میں کمی کے نتیجہ میں بائیکو کی مجموعی آمدن میں کمی ہوئی جو گزشتہ سال کی اسی مدت کے 192.1 بلین روپے سے کم ہو کر 150.1 بلین روپے ہوگئی۔قیمتوں میں کمی سے ہونے والے نقصانات کو کم کرنے کیلئے اقدامات پر عملدرآمد اور اور بہتر انوینٹری مینجمنٹ کے نتیجہ میں مجموعی منافع میں چار گنا اضافہ ہو ا جو گزشتہ سال کے 1.19 بلین روپے سے بڑھ کر 5.47  بلین روپے ہوگیا۔ آپریٹنگ منافع میں 2020 میں 0.24 بلین روپے سے بڑھ کر 4.04 بلین روپے ہوگیا ہے جس کی وجوہات میں آپریٹنگ آخراجات میں معمولی اضافہ کے اثرات شامل ہیں۔ بائیکو کا موجودہ مالی سال کے پہلے نو ماہ کے دوران خالص منافع 2.17 بلین روپے(0.41 فی حصص) رہا۔ جبکہ گزشتہ سال خالص نقصان 2.67 بلین روپے(0.50 روپے فی حصص) رہا۔عالمی معیشت کی بحالی کے باعث تیل کی عالمی قیمتوں میں رواں مالی سالی میں تیزی سے اضافہ ہوا۔