اعلیٰ بیوروکریسی میں تقرر و تبادلے، سارہ سعید ایڈیشنل سیکرٹری وزیر اعظم آفس تعینات

اسلام آباد (صلاح الدین /نمائندہ نوائے وقت) اعلیٰ بیوروکریسی میں تقرر و تبادلے، اسٹیبلشمنت ڈویژن نے نوٹیفکیشن جاری کر دئیے ہیں۔ پاکستان ایڈمنسٹریٹو سروس گروپ گریڈ 22 کے محمد علی شہزادہ کو اسٹیبلشمنٹ ڈویژن رپورٹ کرنے کی ہدایت کی گئی ہے۔ گریڈ22  کے آصف حیدر شاہ کو سیکرٹری موسمیاتی تبدیلی تعینات کر دیا گیا ہے۔ گریڈ 21 کے افسر ڈاکٹر فخر عالم عرفان سیکرٹری انچارج وزارت تخفیف غربت تعینات کر دیا گیا ہے۔ گریڈ 21 کے محی الدین وانی کو چیف سیکرٹری  گلگت بلتستان تعینات کر دیا گیا ہے۔ گریڈ 21 کے محسن مشتاق کو ایڈیشنل سیکرٹری انچارج وزارت انفارمیشن ٹیکنالوجی تعینات کر دیا گیا ہے۔ گریڈ21  کے عثمان اختر باجوہ کو سٹیبلشمنت ڈویژن رپورٹ کرنے کی ہدایت کی گئی۔  گریڈ 21 کی سارہ سعید ایڈیشنل سیکرٹری وزیر اعظم آفس تعینات کردیا گیا ہے۔ سارہ سعید اس سے قبل ایڈیشنل سیکرٹری وزارت خزانہ تعینات تھیں۔