لاہور(سپورٹس ڈیسک ) انگلش کرکٹ ٹیم کے سابق کپتان جو روٹ کے مستعفی ہونے کے بعد آل راؤنڈر بین سٹوکس نے انگلینڈ کرکٹ ٹیم کی قیادت سنبھالنے پر رضامندی ظاہر کردی۔ انگلش کرکٹ بورڈ کے ڈائریکٹر روب کی سے بین سٹوکس کی ملاقات ہوئی ہے۔ جس میں انہوں نے بتایا کہ میں جیمز اینڈرسن اور سٹورٹ براڈ کی سینئر جوڑی کو واپس سکواڈ کا حصہ بنانا چاہتا ہوں۔انگلش کرکٹ ٹیم نے سٹورٹ براڈ اور جیمز اینڈرسن کو دورہ ویسٹ انڈیز اور ایشز سیریز میں خراب کارکردگی کے باعث ڈراپ کیا گیا تھا۔انگلینڈ اینڈ ویلز کرکٹ بورڈ نے نوکری کا اشتہار دیا ہے جس میں اس بات کی تصدیق کی گئی ہے کہ دو ہیڈ کوچز کی تقرری کی جائیگی، ایک ٹیسٹ کرکٹ کیلئے اور دوسرا محدود اوورز کے فارمیٹس میں انگلینڈ کی ٹیم کو درکار ہے۔ انگلینڈ کے پاس 2012 اور 2014 کے درمیان دو الگ الگ ہیڈ کوچ تھے۔