لاہور(سپورٹس رپورٹر)پاکستان ہاکی فیڈریشن کے سیکرٹری جنرل اولمپیئن آصف باجوہ نے کہا کہ ہم نے با ضابطہ طور پر ایشیا کپ 2022 کی تیاری کیلئے دورہ یورپ کے دوران نیدرلینڈ زنیشنل ہاکی ایسوسی ایشن سے میچز کی درخواست کی تھی۔نیدرلینڈ زنیشنل ہاکی ایسوسی ایشن نے اس حوالے سے ہمیں مثبت جواب دیا اور 2 میچوں کی سیریز کھیلنے پر رضامندی ظاہر کی۔ ہماری درخواست کردہ تاریخوں کے دوران نیدرلینڈز ہاکی ٹیم کا مصروف شیڈول ہے لیکن اسکے باوجود نیدر لینڈز ہاکی انتظامیہ نے بہترین کھلاڑیوں کا بندوبست کرنے کی نہ صرف پوری کوشش کی بلکہ بحیثیت ٹیم ممبر ٹیم کا حصہ بھی بنایا.غیر ملکی ٹیمیں ورلڈ کپ 2023 کی تیاری کر رہی ہیں اور وہ مختلف کمبی نیشنز آزما رہے ہیں۔ پاکستان ہاکی فیڈریشن نے کوالیفائیڈ غیر ملکی کوچز کی زیر نگرانی بڑے ایونٹس میں 7 نئے کھلاڑیوں کی صلاحیت کو آمانے کا فیصلہ کیا اور یورپ کے دورے کیلئے 7 ڈیبیو کرنے والے کھلاڑیوں کو موقع فراہم کیا۔ ان بیشتر کھلاڑیوں نے ڈھاکہ میں ایشین چیمپیئنز ٹرافی 2021 کھیلنے کی بھرپور صلاحیت بھی دکھائی۔ پاکستان ایشیا کپ کیلئے بھرپور تیاری کر رہا ہے۔ ہم تمام سپورٹرز اور میڈیا سے درخواست کرتے ہیں کہ ایشیاکپ 2022 میں اچھے نتائج کیلئے پاکستان ٹیم کو سپورٹ کریںتا کہ قومی ہاکی ٹیم کا حوصلہ مزید بلند ہو۔