لاہور(سپورٹس رپورٹر)چیئرمین پاکستان ویٹرنز کرکٹ ایسوسی ایشن فواد اعجاز خان نے کہاہے کہ پاکستان پہلے اوور40 ویٹرنز کرکٹ ورلڈ کپ کی میزبانی کرے گا۔ ایونٹ کراچی میں اگلے سال 23 ستمبر سے8 اکتوبر تک کھیلا جائے گا۔ اوور 40 ایج گروپ کا پہلا کرکٹ ورلڈ کپ ہوگا، 40 سال زائد سے عمر کے کرکٹرز پر مشتمل 14 ٹیمیں ایونٹ میں شریک ہوں گی۔چیئرمین پی وی سی اے کے مطابق ایونٹ کے میچز 45 اوورز فی اننگز پر مشتمل ہوں گے، امید ہے شاہد آفریدی، یونس خان، شعیب ملک، محمد حفیظ جیسے کھلاڑی پاکستان ٹیم کا حصہ ہوں گے۔ان کا مزید کہنا تھا کہ ایونٹ میں پاکستان، بھارت، آسٹریلیا، انگلینڈ کی ٹیموں کیساتھ ساتھ نیوزی لینڈ، ویسٹ انڈیز، جنوبی افریقہ، سری لنکا، کینیڈا، امریکہ،زمبابوے،ویلز،نمیبیا،یو اے ای کی ٹیمیں بھی شریک ہوں گی۔