چیلنجرز رمضان ٹرافی 2022   ارحم انٹرپرائزز کے نام

کراچی (اسپورٹس رپورٹر) اسپورٹکس کے زیر اہتمام چیلنجرز رمضان کرکٹ ٹرافی 2022 کافائنل آئی بی اے کرکٹ گراؤنڈ میں ارحم انٹرپرائزز بمقابلہ ابان اسپورٹس کے درمیان کھیلا گیا جس میں ارحم انٹرپرائزز نے 14 رنز سے کامیابی حاصل کی۔ ارحم انٹرپرائزز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں پر 162 رنز بنائے۔ابان اسپورٹس نے مقررہ 20 اوورز میں 10 وکٹوں پر 148 رنز بنائے۔مین آف دی فائنل میچ ارحم انٹرپرائزز کے نعمان خان قرار پائے۔ شیخ رافع اور شیخ حماد نے   فاتح اور رنر اپ ٹیموں اور آفیشلز میں ٹرافیاں، شیلڈز، نقد انعامات تقسیم کیے۔