سعودی عرب خادم حرمین شریفین ہونے کے ناطے عظیم دوست ہے، وزیراعظم

 وزیراعظم شہباز شریف نے کہا کہ سعودی عرب کے اہم دورے پر جارہاہوں،دورے سے دوستی اور بھائی چارے کا اہم دور شروع ہوگا۔جمعرات کو سماجی رابطے کی ویب سائٹ ٹویٹر میں ٹویٹ کرتے ہوئے انہوں نے کہا کہ سعودی عرب قیادت سے کثیر الجہتی تعاون پر تبادلہ خیال ہوگا،سعودی عرب خادم حرمین شریفین ہونے کے ناطے عظیم دوست ہے۔وزیراعظم شہباز شریف کا مزید کہنا تھا کہ سعودی عرب کا ہمارے دلوں میں بہت احترام ہے۔