لاہور(سپورٹس رپورٹر)قومی ٹیم کے کپتان بابر اعظم نے پریس کانفرنس کرتے ہوئے کہا کہ بیٹنگ اور بائولنگ دونوں شعبوں میں اپنے پلان کو حاصل کیا۔مختلف کمبی نیشن کیساتھ کھیلے ہیں۔ سیریز میں انجریز بھی ہوئیں ۔ تجربات کیے  مثبت چیزیں حاصل کیں ۔غلطیاں کی ہیں ان کو دور کرینگے۔ ورلڈ کپ قریب ہیں کوشش ہو گی کہ غلطیاں نہ ہوں۔شاہین آفریدی بہترین بائولر ہے وہ کم بیک کرنا جانتا ہے وہ فائٹر ہے۔محمد رضوان ان فٹ ہو گئے‘ اگر فٹ ہوتے تو اوپننگ میں روٹیشن کرتے۔ ہمارے لیے مڈل آرڈر فکر مندی کی بات ہے۔عثمان خان کو مکمل موقع دیا اس نے پوری کوشش کی ہے۔کپتان کی حیثیت سے مطمئن نہیں ہوں  اچھے مارجن سے جیتنا چاہیے تھا ۔نئے کھلاڑی تھے ہمیں بہتر کھیلنا چاہئے تھا۔  اعظم خان کو مس کیا وہ گیم چینجر ہیں۔مجھے کسی کو خوش نہیں کرنا ۔ چیزوں کو آگے لے کر چلنا ہے ۔محمد عامر تجربہ کار ہیں ۔ورلڈ کپ سکواڈ کا اعلان ہونے میں ابھی وقت ہے ۔