60سال کی عمر کے کھلاڑیوںکا کبڈی میچ رجانہ سٹی کلب نے جیت لیا 

لاہور(سپورٹس رپورٹر)60 سال کے کھلاڑیوں کاکبڈی میچ رجانہ سٹی کبڈی کلب اور ڈاکٹر ارشد کبڈی کلب ٹوبہ ٹیک سنگھ کے درمیان ناگرہ پل سٹیڈیم ٹوبہ ٹیک سنگھ میںہوا۔ مہمان خصوصی رانا احمد خان ستھیال انجینئر اور سماجی سیاسی ہنما سردار عبد المالک ستھیال تھے۔ کبڈی میچ میں لوگوں نے کثیر تعدادمیںشرکت کی اور جوش دیدنی تھا۔لوگوں کا کہنا تھا کہ اس طرح کے ایونٹس بہت دلچسپی کا باعث ہیں۔کبڈی میچ دلچسپ مقابلے کے بعد رجانہ سٹی کلب نے جیت لیا۔کبڈی میچ میں ستھیال ویلفیئر ایسوسی ایشن پنجاب کے صدر رانا انتظارِ علی ‘ لالہ محمد یوسف ستھیال اور سرپرست اعلیٰ پنجاب ستھیال ویلفیئر ایسوسی ایشن پنجاب سید عارف حسین بخاری نے خصوصی شرکت کی۔ کبڈی میچ کا انتظام کاشف سلیم اور قاری ندیم اختر ستھیال نے کیا ۔سردار عبد المالک نے فاتح ٹیم اور رنر اپ ٹیم کو نقد انعام اور مبارک باد دی۔ کمنٹری کمنٹیٹر احمد چاند ستھیال نے کی۔دوسرا میچ مئی کے دوسرے ہفتہ میں ننکانہ صاحب میںہو گا۔