صوبائی وزراء صحت کی چوتھی پرنسپلز نرسنگ اینڈ الائیڈ ہیلتھ کانفرنس میں شرکت  

لاہور(نیوز رپورٹر) صوبائی وزراء صحت خواجہ سلمان رفیق اور خواجہ عمران نذیر نے یونیورسٹی آف ہیلتھ سائنسز میں محکمہ سپیشلائزڈ ہیلتھ کیئر اینڈ میڈیکل ایجوکیشن کے زیر اہتمام چوتھی پرنسپلز نرسنگ اینڈ الائیڈ ہیلتھ پروفیشنل انسٹی ٹیوٹس کانفرنس میں بطور مہمان خصوصی شرکت کی۔اس موقع پر علی جان خان، پروفیسر ڈاکٹر احسن وحید راٹھور، سید واجد علی شاہ اور منصور احمد، ڈاکٹر علی رزاق، عثمان خالد، مظہر احمد، ڈاکٹر حافظ شاہد لطیف، ڈی جی نرسنگ اور نرسنگ کالجز کی پرنسپلز و دیگر افسران نے شرکت کی۔ سیکرٹری صحت پنجاب علی خان نے اپنی پریزنٹیشن میں نرسنگ شعبہ کی بہتری کیلئے اٹھائے گئے اقدامات پر روشنی ڈالی۔ صوبائی وزراء صحت خواجہ سلمان رفیق اور خواجہ عمران نذیر نے کانفرنس کے دوران اے ایل ایس سٹیمولیٹر کی عملی مشقوں اور نرسنگ کالجز کو فراہم کئے جانیوالے طبی سامان کا جائزہ لیا۔