ایف بی آر کے مزید 40 اعلیٰ افسر تبدیل، متعدد کو او ایس ڈی بنانے کی تیاری

اسلام آباد ( نمایندہ خصوصی ) ایف بی آر میں دھماکہ خیز اکھاڑ پچھاڑ، تبادلوں کے دوسرے راونڈمیں گریڈ 20 سے22 تک کے مزید 40 افسروںکو تبدیل کردیا گیا ہے، تاہم ان افسروںکو نئی پوسٹنگ دی گئی ہے،متعدد کو ایڈمن پول میں بھیج دیا گیا۔ ابھی تیسر ارواونڈ بھی ہوگا، جس میں مزید افسروں کو ایڈمن پول میں بھیجا جائیگا۔ اب صرف چئیرمین اور چند ممبررہ گئے ہیں جو ابھی بھی اپنے عہدوں پر کام کر رہے ہیں۔ ارشد جوادکو نیا ممبر کسٹمزآپریشن، 22 گریڈ کے فیض احمد کو   تبدیل کر کے ڈی جی کسٹم اکیڈمی  تعینات کر دیا گیا۔ گریڈ 21 کے محمد صادق کو تبدیل کر کے ڈی جی ویلیویشن کراچی تعینات کر دیا گیا،  چیف کلیکٹر کسٹم بلوچستان عبدالقادر میمن کو تبدیل کر کے ڈی جی آئی پی او اسلام آباد تعینات کیا گیا۔چیف کولیکٹر سیمہ رضا بخاری کوڈپٹی ڈی جی آف نیشنل نیوکلیر ڈیٹیکشن کے منصب کا اضافی چارج دے دیا گیا۔ علی رضا ہنجرہ ڈی جی انٹیلی جنس اینڈ انویسٹی گیشن اسلام آباد تعینات، جنید جلالی کو چیف کلیکٹر آف کسٹم انفورسمنٹ ساؤتھ کسٹم ہاؤس کراچی تعینات کر دیا گیا۔ صائمہ شہزاد کو تبدیل کر کے چیف کلیکٹر آف کسٹم اپریسمنٹ پنجاب کسٹم ہاؤس لاہور، راشد جوادکو تبدیل کر کے ممبر کسٹم آپریشن ایف بی آر ہیڈ کوارٹر، محمد یعقوب کو چیف کلیکٹر آف کسٹم بلوچستان کوئٹہ تعینات کیا گیا۔ عرفان الرحمن خان  تبدیل کر کے چیف کلیکٹر آف کسٹم ایکسپورٹس کسٹم ہاؤس کراچی تعینات کیا گیا ہے۔ فیاض انور کو تبدیل کر کے ممبر لیگل اینڈ اکاؤنٹنگ ایف بی ار لگایا گیا، ارم مقبول عامرکو ڈائریکٹر جنرل لاء ا اسلام آباد تعینات کیا گیا۔ گریڈ 20 کے افسر مدثر رفیق کو چیف کلیکٹر آف کسٹم اپریسمنٹ ساؤتھ کراچی، قرات العین ڈوگر ڈی جی ڈریڈ جنرل آف آئی او سی او کراچی تعینات کیا گیا ہے۔ ایف بی آر میں آئی آر گروپ کے افسروں کے وسیع پیمانے پر تبادلے کیے گئے ہیں، گریڈ 22 کے ممبر ایڈمن سید ندیم حسین رضوی کو  تبدیل کر کے ڈی جی ان لینڈ ریونیو سروس اکیڈمی آئی آر ایس لاہور تعینات کر دیا گیا، گریڈ 21کی ڈی جی لینڈ ریوینیو آمنہ حسین کو تبدیل کر کے ڈی جی اینٹی بے نامی انیشیٹو اسلام آباد لگایا گیا، ممبر امجد شجاع خان کو ڈی جی آئی او سی او کا اضافی چارج دیدیا گیا، چیف کمشنر کارپوریٹ ٹیکس افس لاہور سعدیہ صدف گیلانی ممبر ایڈمن ایچ آرایف بی ار تعینات ، محمد عابد رضا بودلہ چیف کمشنر ان لینڈ ریونیو ٹیکس آفس لاہور لگا دیا گیا۔ ڈاکٹر محمد سرمد قریشی چیف کمشنر لینڈ ریونیو آر یو کراچی ون  تعینات، محمد فاروق اعظم میمن چیف کمشنر ان لینڈ ریونیو آر ٹی او افس ایبٹ آباد  تعینات،  امتیاز علی سولنگی ممبر اکاؤنٹنگ ایف بی آر اسلام آباد مقررکیا گیا ہے ،  عابد محمود چیف کمشنر آر پی او اسلام آباد تعینات، محمد طارق ارباب ممبر ممبر لیگل ایف بی آر تعینات کیا گیا۔گریڈ 20 کی افسر لائلہ غفور کو ڈی جی ڈائریکٹر جنرل اف نان فائننشل بزنس اینڈ پروفیشن تعینات، صاحبزادہ عبدالمتین چیف کمشنر ان لینڈ ریونیو میڈیم ٹیکس آفس کراچی، فرید اللہ جان خان کو ڈائریکٹر جنرل دوسری ٹیکس بنیاد اسلام آباد، عائشہ فاروق کو ڈی جی ود ہولڈنگ ٹیکس اسلام اباد لگا دیا گیا ،محمد تقی قریشی کو چیف کمشنر ان لینڈ ریونیو آر ٹی او ساہیوال تعینات کیا گیا ہے ۔