کھیوڑہ(نامہ نگار) بساکھ کا موسم شروع ہوتے ہی پنجاب بھر کی طرح تحصیل پنڈدادنخان کے نواحی علاقہ ہرن پور میں تحصیل پریس کلب پنڈدادنخان کے وائس چیئرمین کی زیرنگرانی  شاندار کبڈی میچ منعقد کیا گیا جس کے مہمان خصوصی تحصیل پریس کلب کے صدر اختر ارائیں اور چوہدری تیمور نواز جٹ نے شرکت کی کبڈی میچ میں پنجاب کے نامور کبڈی کے کھلاڑیوں نے زبردست انداز میں ثقافتی کھیل کر مظاہرہ کرتے ہوئے دور دراز سے آئے ہزاروں شائقین سے خوب داد وصول کی جبکہ ڈھول کی تھاپ اور شہنائی کی آوازوں نے کھلاڑیوں کے حوصلہ میں اضافے کے ساتھ شائقین کو بھی مبذول کیا عوامی سماجی حلقوں اور اہل علاقہ سمیت مہمانوں نے زبردست میلے کے انعقاد پر راجہ ندیم جنجوعہ ،راجہ نعیم جنجوعہ،لقمان یاسین،ساجد فارو ق،چو ہدری محسن کھرل و دیگر کو پرامن طریقے سے ثقافتی میلہ کے انعقاد پر خراج تحسین پیش کیا اس موقع پر انہوں نے کہا کہ کامیاب معاشرہ اپنی ثقافت کو یاد رکھتا ہے ثقافتی کھیلوں کے فروغ کے لیے سبکو اپنا اپنا کردار ادا کرنا ہوگا تاکہ ہماری ثقافت کی عکاسی بہترین انداز میں ہو ۔