کوالمپور (آئی این پی ) ملائیشیا کے سابق وزیر اعظم مہاتیر محمد کو انسداد بدعنوانی کی تحقیقات کا سامنا ہے۔ عالمی میڈیا کے مطابق ملائیشیا کے انسداد بدعنوانی کمیشن (ایم اے سی سی )کے سربراہ اعظم باقی کا کہنا ہے کہ ملائیشیا کے سابق وزیر اعظم مہاتیر محمد سے ان کے بیٹوں کی کرپشن کی تحقیقات کے سلسلے میں پوچھ گچھ کی جا رہی ہیں۔ انسداد بدعنوانی کمیشن کے سربراہ نے بتایا کہ ایم اے سی سی نے رواں سال جنوری میں مہاتیر کے بزنس مین بیٹوں مرزان اور مخزانی کو نوٹس بھیجے تھے کہ وہ وہ پنڈورا اور پانامہ پیپرز لیکس کی وجہ سے ہونے والی انکوائریوں کے حصے کے طور پر اپنے اثاثوں کا اعلان کریں۔ واضح رہے کہ مہاتیر کے دفتر نے فوری طور پر اس خبر پر کوئی تبصرہ نہیں کیا تاہم سابق وزیر اعظم اس سے قبل اپنے بیٹوں کے خلاف تحقیقات کو سیاسی محرک قرار دے چکے ہیں۔