پنجابی فلم ”انصاف“ مکمل عید پر ریلیز کرنے کا اعلان

لاہور (کلچرل رپورٹر) فلمساز ملک اشفاق کی نئی پنجابی فلم ”انصاف“ ایورنیو سٹوڈیوز میں مکمل کر لی ہے اور عیدالاضحیٰ پر نمائش کے لئے اعلان کیا ہے۔ رنگین سینما سکوپ فلم انصاف کی کہانی معاشرتی ظلم و ستم اور جبروتشدد کے خلاف اللہ سے انصاف کی امید کے موضوع پر ہے۔ اس فلم کے ڈائریکٹر اقبال بالا اور میوزک ڈائریکٹر معین بوبی ہیں۔ فلم کے گیت مشتاق علوی اور خالد ملک نے لکھے ہیں۔ نمایاں فنکاروں میں ہیروئن سحر ملک، سلمان، صائم اور شمس رانا ہیں۔ فلم انصاف عید پر پورے سرکٹ میں دکھائی جائے گی۔