کراچی (این این آئی) امریکہ کی کنسلٹنگ /انوسٹمنٹ فرم گرین کارڈکیپٹل نے عالمی ٹیلیویژن چینلزکی سرکردہ امریکی براڈ کاسٹر/ڈسٹری بیوٹر ساﺅنڈ ویو براڈ کاسٹنگ کے اشتراک سے یکم ستمبر2013 سے پہلے سالانہ ”ہیروزآف پاکستان “ مختصر فلم مقابلے کے انعقادکا اعلان کردیا ہے جس میں پورے پاکستان سے ہرعمرکے فلم سازوں کو ایک سے لیکرپانچ منٹ دورانیہ کے ویڈیوکلپس پیش کی دعوت دی گئی ہے ۔ ویڈیو جمع کرانے کیلئے آخری تاریخ 31اکتوبر2013 مقررکی گئی ہے جبکہ مقابلے میں پہلی ، دوسری اورتیسری پوزیشن حاصل کرنیوالی مختصرفلمیں بالترتیب1,000، 500 اور 250 ڈالرانعام کے علاوہ امریکہ میں ساﺅنڈویوبراڈکاسٹنگ کی پاکستانی چینلزاورممکنہ طورپرپوری دنیا میں ٹیلی ویژن پردکھانے اوراسی طرح ساﺅنڈ ویوکے ساتھ پروڈکشن اورانٹرن شپ مواقع کی حقدارہوں گی۔