چکوال (نامہ نگار) چکوال کے گائوں جنگا کے قریب تیز رفتار ویگن نے موٹر سائیکل کو ٹکر مار دی جس کے نتیجہ میں موٹر سائیکل سوار چار افراد جاں بحق ہوگئے۔ ساجد جمیل  ساکن کھوکھر زیر نے صدر پولیس کو بتایا عمران، ابوبکر، فیصل ساکنان کریالہ اور قاسم علی  ساکن کھوکھر زیر چکوال کی جانب سے اپنے موٹر سائیکل پر گائوں جا رہے تھے جنگا موڑ کے نزدیک ہائی ایس نمبر RIR9773 جسے وسیم احمد  ساکن کریالہ نہایت غفلت اور لاپرواہی سے چلاتے ہوئے آیا اور موٹر سائیکل کو ٹکر ماری جس کے نتیجہ میں محمد عمران موقع پر جاں  بحق ہوگیا جبکہ باقی تین شدید زخمیوں نے ڈسٹرکٹ ہیڈ کوارٹر ہسپتال جاتے ہوئے دم توڑ دیا۔ موٹر سائیکل بھی مکمل طور پر تباہ ہوگیا۔