پنجاب کی 7 یونیورسٹیوں میں وائس چانسلرز کا تقرر ‘ڈاکٹر رئوف اعظم ایجوکیشن یونیورسٹی، پروفیسر حسن امیر جی سی یو لاہور طاہر امین زکریا یونیورسٹی ملتان تعینات

لاہور (آئی این پی) پنجاب کی 7یونیورسٹیوں کے وائس چانسلرز کی تقرری کے نوٹیفکیشن جاری کر دیئے گئے، ڈاکٹر رئوف اعظم کو وائس چانسلر یونیورسٹی آف ایجوکیشن لاہور اور ڈاکٹر طاہر امین کو وائس بہائوالدین زکریا یونیورسٹی ملتان تعینات کر دیا گیا۔ جمعرات کو پنجاب کی 7یونیورسٹیوں میں وائس چانسلرز تعینات کر دیئے گئے ہیں، جن میں ڈاکٹر ثمینہ قادر کو وائس چانسلر فاطمہ جناح وویمن یونیورسٹی راولپنڈی، پروفیسر حسن امیر شاہ کو وائس چانسلر گورنمنٹ کالج یونیورسٹی لاہور اور ڈاکٹر رئوف اعظم کو یونیورسٹی آف ایجوکیشن لاہور میں وائس چانسلر تعینات کر دیا گیا ہے جبکہ ڈاکٹر طلعت افزا کو وائس چانسلر گورنمنٹ صادق ڈگری کالج فار وویمن یونیورسٹی بہاولپور، ڈاکٹر طاہر امین کو واپس چانسلر بہائوالدین زکریا یونیورسٹی ملتان اور ڈاکٹر خلیق احمد کو وائس چانسلر غازی یونیورسٹی ڈیرہ غازی خان اور ڈاکٹر اطہر محبوب خواجہ کو وائس چانسلر فرید یونیورسٹی آف انجینئرنگ اینڈ انفارمیشن ٹیکنالوجی تعینات کر دیا گیا ہے، ان کے تمام وائس چانسلرز کی تقرری کے نوٹیفکیشن جاری کردیے گئے ہیں۔