نارووال (نامہ نگار) موٹر سائیکل سواروں کی فائرنگ سے دودھ فروخت کر کے جانے والا راہگیر ہلاک جبکہ ایک بزرگ اور رکشہ ڈرائیور زخمی ہو گئے۔ لواحقین نے نعش ڈی ایچ کیو ہسپتال کے باہر روڈ بلاک ٹائر جلا کر احتجاجی کیا ،دسویں کلاس کے طالب علموں کی آپس میں لڑائی ہوئی ،تین طلبا نے کھوکھے پر بیٹھے اپنے مخالف کلاس فیلو پر اندھا دھند فائرنگ کر دی۔ گولیاں عاصم، ڈرائیورسیلم اور 70 سالہ صدیق کو لگ گئیں ، عاصم ہسہتال میں دم توڑ گیا۔