لاہور (سپورٹس رپورٹر) پاکستان رگبی یونین کے زیراہتمام دوسری ویمن نیشنل سیونز رگبی چیمپئن شپ پاکستان واپڈا نے جیت لی۔ فائنل میں پاکستان آرمی کو 5-0 سے شکست دیدی۔ٹورنامنٹ کی بہترین کھلاڑی کا اعزاز واپڈاکی جویریہ نے جبکہ مین آف دی میچ کا ایوارڈ آرمی کی ارم نے حاصل کےا۔ٹورنامنٹ کی نئی ابھرتی ہوئی کھلاڑی کا اعزاز واپڈا کی سمیرا کوثر کو ملا۔ تفصیلات کے مطابق پاکستان رگبی یونین کے زیراہتمام دو روزہ چیمپئن شپ میں دوسرے دن بھی زبردست مقابلے دیکھنے کو ملے۔پول میچز میں پوزیشن کے بعد پاکستان آرمی اور پاکستان واپڈا کی ٹیم نے فائنل کیلئے کوالیفائی کیا جبکہ سندھ کی ٹیم نے تیسری پوزیشن حاصل کی۔اختتامی تقریب کے مہمان خصوصی میجر جنرل (ر) محمد اشرف نے کھلاڑیوں میں انعامات تقسیم کیے۔