کراچی (اسٹاف رپورٹر) کراچی والنٹیئر ویلفیئر ایسوسی ایشن کے رہنماءحنیف اللہ نے عوام سے اپیل کی ہے کہ شاہراہوں‘ گھروں اور دفاتروں پر لگا ئے گئے قومی پرچموں کو بحفاظت اُتار لئے جائیں تاکہ ہم اپنے قومی پرچم کی بے حرمتی سے بچ سکیں ۔ان خیالات کا اظہار انہوںنے لانڈھی کورنگی کے نوجوانوں کے ایک وفد سے گفتگو کرتے ہوئے کیا حنیف اللہ نے کہاکہ شاہراہوں اور گھروں میں لہرائے گئے قومی پرچم دھول اور مٹی جہاں متاثر ہورہے ہیں وہیں پرچم کے پھٹنے کی وجہ سے بے حرمتی بھی ہورہی ہے انہوںنے سیاسی و مذہبی جماعتوں اور سماجی و فلا حی تنظیموں خصوصاً کراچی میٹرو پولیٹن کارپوریشن اور ضلع بلدیاتی اداروں سے بھی اپیل کی ہے قومی پرچم کو بے حرمتی سے بچا ئیں ۔