کراچی (اسپورٹس رپورٹر) شمروز میموریل ٹی ٹوئنٹی کرکٹ ٹورنامنٹ کے پہلے سیمی فائنل میں کراچی ایگلیٹس نے طوبیٰ اسپورٹس کو چھبیس رنز سے شکست دی۔ کراچی ایگلیٹس نے نیئر عباس کے جارحانہ65رنز کی بدولت مقررہ بیس اوورز میں سات وکٹوں کے نقصان پر 177رنز اسکور کئے۔ عمر ریاض35رنز اور محمد فخر21رنز بنا ئے۔ طالب بلوچ دو وکٹیں لیں۔ طوبیٰ اسپورٹس نے جارحانہ آغاز کیا لیکن بیٹسمین ذمہ داری کا مظاہرہ کرنے میں ناکام رہے اور پوری ٹیم آٹھ وکٹوں کے نقصان پر 151رنز بنا سکی۔ ذکااللہ42 رنز اورہاشم خان33 رنز بنا کر کچھ مزاحمت کرسکے۔ منہاج نے تین اہم وکٹ لیکر جیت میں اہم کردار ادا کیا اور مین آف دی میچ قرار پائے۔