لال چند راجپوت زمبابوین ٹیم کے مستقل کوچ مقرر

لاہور(سپورٹس ڈیسک)ہرارے: سابق بھارتی کرکٹر لال چند راجپوت کو زمبابوین کرکٹ ٹیم کا مستقل ہیڈ کوچ مقرر کردیا گیا ہے۔ہیتھ اسٹریک کے مستعفی ہونے کے بعد گزشتہ تین ماہ سے لال چند راجپوت عبوری بنیادوں پر زمبابوین ٹیم کے ساتھ کام کر رہے تھے تاہم اب انہیں مستقل بنیادوں پر یہ ذمے داری سونپ دی گئی ہے۔راجپوت اب 2020 میں شیڈول ورلڈ ٹی20 تک کوچ کی حیثیت سے فرائض انجام دیتے رہیں گے۔