لاہور( سپورٹس رپورٹر+نمائندہ سپورٹس) سپورٹس بورڈ پنجاب اور ڈویژنل سپورٹس آفس لاہور کے زیراہتمام ’’ہرا بھرا پاکستان‘‘شجرکاری مہم 31 اگست سے شروع ہو گی۔ ’’ہرا بھرا پاکستان‘‘ شجرکاری مہم کے تحت لاہور کی مختلف گرائونڈز میں ہزاروں پودے لگائے جائیں گے، افتتاحی تقریب 31اگست کو نیشنل ہاکی سٹیڈیم میں ہوگی جس کا افتتاح ڈائریکٹر جنرل سپورٹس پنجاب عدنان ارشد اولکھ پواد لگاکر کریں گے، اس موقع پر واک بھی ہوگی جس میںکھلاڑیوں سمیت اہم شخصیات شرکت کریں گی۔